«Өз үйім - өлең - төсегім» дегенедей үйіңде жұмыстан кейін дем алғаныңда үйінің әрбір бұрышы көзді қуантады. Соңғы бірнеше онжылдықта ұзаққа созылған жөндеу нәтижелері одан да көп қуаныш әкелуі үшін адамдар интерьер дизайнерлеріне жүгіне бастады.

Қолайлы тұсқағазды, бояуды, дұрыс ламинатты таңдау көптеген сұрақтар туғызады. Егер ерлі — зайыптылар жөндеу кезінде қақтығыстардан аулақ болғысы келсе, онда шығудың бір жолы - маманның дайын дизайны.

Нұр-Сұлтан қаласының екі кәсіпкері Шынар Тілеумұратова мен Айдана Ерназар осындай «тараптарды татуластырумен» айналысуда. Олардың prodesign студиясы жеке пәтер жобаларында жұмыс істейді. Тәжірибе жылдарында қыздар клиентті «естуді» үйренді және тапсырыс беруші үшін қолайлы интерьердә «ә» дегеннен жасауға тырысады. «Көбіне бұл міндет біздің қолымыздан келіп жатады», — дейді олар қарапайым түрде. Клиенттер -олардың  шабыты.

Жас дизайнерлер өнер академиясында бірге оқыды. Жүргенов атындағы «интерьер дизайны» факультеті. Академияға дейін екеуі де өз қалаларында сурет салу және живописьпен шұғылданды.

«Мен Атырауда Тілендиев атындағы Кіші Өнер академиясында оқыдым, ал Айдана Жүргенов атындағы Академияның колледжінде оқыды. Екеуі де бала кезінен сурет салғанды ұнатып, арнайы мектептерге бардық. Интерьер дизайны бойынша бес жыл білім алдық: үшінші курстан бастап Айдана екеуміз Etage компаниясында тағылымдамадан өттік. Күндіз бос болмадық және кешке дейін үй тапсырмаларын орындадық. Емтихан тапсырар алдында сурет салу үшін осындай түнгі отырыстар — бұл біз үшін әрқашан ыстық сезіммен еске алатын күндер», — деп еске алады Шынар.

Қыздар университеттегі сабақтардан кейін тағылымдамаға барып, қосымша 3D-визуализация курстарына қатысты. ЖОО-дағы оқытушылар екеуі Etage-те қолданған көптеген базалық ақпараттар берді. Шынардың пікірінше, арнайы білімсіз дизайнер болу қиын. Байқау, композиция, түс тану өте маңызды, ең бастысы — бұл тәжірибе, яғни жөндеу.

«Эскиздері бар сызбаларды беріп қана қоймай, оларды іске асыру керек. Бұл біз үшін ең күрделі және қызықты жұмыс. Себебі жөндеу кезінде клиенттің ауытқуы басталады және жұмысты түпкілікті нәтижеге әсер етпейтіндей етіп үйлестіру керек. Негізінен біз жеке жобалар — пәтерлермен жұмыс істейміз. Жаңа адамдармен жұмыс істегенді жақсы көреміз, біздің тапсырыс берушілер біз үшін әрқашан шабыт береді», — деп жалғастырды жас маман.

“

Жетістікке жету үшін біз түн ортасына дейін сурет салуға отырдық

Дизайн саласында әрдайым жаңа үрдістер мен трендтерді зерттеу маңызды. Prodesign студиясы 2018 жылдан бері жұмыс істейді, бұған дейін қыздар түрлі студияларда жұмыс істеген. Қолды үйрету үшін жолдың басында олар өте төмен бағамен тапсырыс алды.

«Біз үшін мұндай тапсырыстар тәжірибе болды және клиенттер бұл туралы білді, сондықтан олардан ешқандай шағым болған жоқ. Клиент қуанып, біз тәжірибе алдық. Біз осыдан бастадық, өйткені көптеген компаниялар бізде болмаған көпжылдық тәжірибені қажет етті. Сондықтан өз сабағымызды алу арқылы біз өз студиямызды құруға келдік. Бірақ біз нәтиженің осылай болғанына қуаныштымыз», - дейді қыздар өз тәжірибелері туралы.

Кез-келген жұмыста, әсіресе бизнесте командалық үйлесімділік маңызды. Көп нәрсе серіктестікке байланысты. Егер бұл болмаса, үміт кемесі жартасқа соғылуы мүмкін. Шынар мен Айдана бір-бірін тапты, және олардың кемесі ешқандай дауылдан қорықпайды. Қыздардың өздері мұны дизайн шешімдеріне бірдей дәм мен көзқараспен түсіндіреді.

«Біз бірге жұмыс істегенімізге өте қуаныштымыз: бір-бірімізді жақсы түсінеміз және түсініспеушілік жоқ. Мүмкін бірнеше жылдар бойы бірге жұмыс істегеннен шығар, интерьерде бірдей көзқарастар бар. Әрбір клиент бізге жаңа тәжірибе сыйлайды және біз әрқашан қызметтеріміздің сапасын жақсартуға, біздің пакетте көрсетілгеннен көбірек ұсынуға тырысамыз. Клиенттерге болашақ пәтерлерінің эскиздері ұнағанын қалаймын. Өйткені, олар бұл үйде көптеген жылдар бойы тұрады және оған көп қаражат пен қуат жұмсайды. Бұл олар көп уақытты өткізетін орын. Клиенттер бізге жаңа жобалар үшін оралғанда біз қуанамыз», - дейді Шынар шабыттана.

Тәжірибесі мен жеке студиясы бар дизайнерлер ретінде қыздар жаңа бастаушылармен кеңестерімен бөліседі.

• Біріншіден, көп жұмыс істеу керек. Қажет болса, күндіз, түні. Көп ұзамай сіз жылдамдық пен дағдыларға ие боласыз және ұзақ уақыт бойы жобаларда отырудың қажеті жоқ.

• Интерьерді құруда көптеген кезеңдер бар, және біз сияқты бәрін өзіңіз жасамағаныңыз жөн. Бұл көп уақыт пен күшті талап етеді.

• Қорықпа және талаптан. Ең бастысы - еңбекқорлық, сондай-ақ клиенттермен қарым-қатынас жасау және олармен бір толқында болу.

• Сіз өз жобаңызды қорғай білуіңіз керек. Біз алғашқы эскиздерді тек тікелей эфирде көрсетеміз, өйткені біз жобада не және қандай мақсатта қолданылғанын түсіндіреміз. Осылайша клиенттердің көптеген сұрақтары жоғалады.

Студияны ашқанда қыздар тартынбады, көп жұмыс жасады. Тіпті карантин олардың студиясын кестеден шығара алмады. Бүкіл штат қашықтықтан жұмыс істеуді жалғастыруда. Шынар мен Айдана жақын арада студияны кеңейтуді жоспарлап отыр.