1. Тігін және тігін шеберханасы - стиль мен пішуді жақсы көретін нағыз қолөнер шеберлері үшін бизнес

Отбасындағы ошақтың қамқоршысы болса да, әйелдің көптеген міндеттері болды, олардың бірі тігу болды. Ер адамдар тамаққа қаражат тапса, әйелдер бүкіл отбасы үшін киім тікті. Бұл күндері мұндай талант пен бала-шағасын киіндіру шеберлігі көптеген адамдар үшін сән мен тігін жасау қабілетіне айналды. Бүгін Садықова Балдырған бізбен өзінің табысқа жету тарихымен бөлісті.

Нұр-Сұлтан қаласынан Садықова Балдырған өте әдемі іспен – көйлек тігумен айналысады. Қазір оның бизнесі өте тиімді. Балдырғанның айтуынша, ол бала кезінен тігін ательесін ашуды армандаған, өйткені ол әрқашан шығармашылықты жақсы көретін. Ата-анасының қалауына қарамастан, өзінің табандылығының арқасында Балдырған кең бейінді технолог мамандығын алды. Сүйікті ісімен айналысатын Балдырған әрқашан жан-тәнімен беріле жұмыс істейді. Оған кейіннен үлкен клиенттік базаны табуға дәл осындай табандылық көмектесті, өйткені шебер, талантты тігіншіге адамдардың өздері келеді. "Қазір мен табысты кәсіпкермін, мерекелерді ұйымдастырушылармен жұмыс істеймін, оларға аниматорлардың киімдерін тігемін, өзімнің @atelier_asilai брендім бар. Сондай-ақ ұлттық костюмдер тігуден тендерлерге қатысамын. Бес жұмыс орнын құрдым және өз қызметкерлеріме оқуға мүмкіндік беремін. Жақын арада халықтың орташа тобына қолжетімді заттарды тігуді жоспарлап отырмын", - дейді Балдырған.

2. Сауда

Бизнестің бұл түрі ең көп таралған және «жылдам» болып табылады – оны ұйымдастыру және пайда табу көп уақытты қажет етпейді. Мұнда бастысы - өзіңіз үшін жұмыс істегіңіз келетін бағытты анықтау. Есіңізде болсын: сіз сатуды жоспарлаған өнімді таңдау ең маңызды және шешуші болады. Сондықтан, біріншіден, сіздің әлеуетті клиенттеріңіздің қажеттіліктерін талдауға көп уақыт бөлу қажет. Екіншіден, сіз өз бизнесіңізді ашқыңыз келетін жерде қандай өнімнің бар немесе жоқ екенін анықтап алуыңыз керек. Егер сіз сол өнімді таба алсаңыз, сұраныс та жоғары болады.

«Әйелдер киімі бутигі» - Әсел Сәдуақасованың әдемі бейнелері

Әсел Сәдуақасова Петропавл қаласының тумасы, ол ММУ-де 3-курста оқиды. Әсел беделді жоғары оқу орнының студенті ғана емес, сонымен қатар жас кәсіпкер – ол 22 жаста және өзінің бутигі бар. «Әйелдер киімін сату саласындағы менің алғашқы тәжірибем 2016 жылы болды, колледжді бітіргеннен кейін мен әйелдер киімін сататын бутикте жұмыс істей бастадым. Одан тек оң әсер алдым. Адамзаттың өте әдемі жартысының өкілдерімен жұмыс жасай отырып, мен өзімді – әдемі әйел бейнелерін жасауға неге арнағым келетінін түсіндім", – дейді Әсел. Сауда саласында тәжірибе және ол туралы білім жинақтаған қыз кәсіпкерлік салада дербес қадамдар жасай бастады. Оның «TopShop» деп аталатын бутигі 2017 жылдың басында ашылды. Алдымен Әсел сауда алаңын серіктесімен бөлісті, бірақ бизнесінің дамуына орай оны кеңейтуге шешім қабылдады. Қазір кәсіпкер өз бизнесін белсенді дамытуда. Әсел дүкенінде ұсынылған киімдерді Instagram @topshop_sko_odezhda парақшасынан көруге болады.

3. Азық-түлік дүкені

Салямат Дауитова - Алматы облысы Қорам ауылының кәсіпкері, бұрын ол аудан әкімдігінде есепші болып жұмыс істеген. Қиын өмірлік жағдайлар мен мемлекеттік қызметтегі жалақының төмендігі кеңсе жұмысынан бас тартуға мәжбүр етті. Бүгінде оның еңбексүйгіштігінің арқасында Алматы облысының Шелек ауылында үлкен көтерме дүкені бар. Салямат базардағы барлық теріс пікірлерге құлақ аспай, жұмысын ондағы бөлшек саудадан бастады. Бес жылдан кейін әйел адам туған ауылында азық-түлік дүкенін сатып ала алды. Ісі өрге басып, бір жылдың ішінде Салямат тағы бір сауда нүктесін – шаруашылық тауарлар дүкенін, ал екі жылдан кейін сол әкімдікке қарама-қарсы үшінші дүкен ашты. Бүгін кәсіпкер бір кездері тәуекелге бел буып, кеңселік жұмыстан кеткеніне өкінбейді. Сауда-саттықта жұмыс істеудің оңай еместігін, алайда нәтижесінің де бар екенін мойындайды.

4. Агробизнес

Бизнестің бұл түрі әйелдерге тән болып саналмайды, бірақ алаңдарға әйелдер көп барады. Агробизнес энергия мен күштің көп жұмсалатынын білдіреді. Ауылшаруашылық саласында тәжірибесі бар ең белсенді кәсіпкерлер агросалада өз бизнестерін сәтті дамытуда. Негізінен, ондағы әйелдердің орта білімі бар, ал көкөністер мен гүлдер өсіру дағдыларын олар өздерінің үй шаруашылықтарын құру және дамыту арқылы игерді.

«Гүл өсіру» -Вера Кривконың әдемі, қиын, алайда табысты бизнесі

Алматы облысы Шамалған ауылының тумасы Вера Кривко 1996 жылдан бері гүл сатады. Вера гүл сататын дүкендегі сатушыдан жылдың суық айларында өз бизнесін гүлдермен қамтамасыз ететін бутик пен екі жылыжайдың иесіне дейін жетті. «Біздің бизнесіміз өте тұрақсыз және оның көптеген қауіптері бар: бір жылда бәрі жақсы болуы мүмкін, ал келесі жылы аяз немесе бұршақ гүлдерді ұруы мүмкін», – дейді Вера. «Бірақ гүлмен айналысқысы келетіндердің бәрі ...жұмыс істеуге, жұмыс істеуге және жұмыс істеуге дайын болуы керек. Осы бизнестің маусымдылығы туралы білу керек. Біздің ісіміздегі ең жақсы кезеңдер – бұл 8 наурыз, 1 қыркүйек, соңғы қоңырау және бітіру кеші. Бұл күндері көп пайда табуға болады», – дейді тәжірибесімен бөліскен Вера Кривко.

"Көкөністер өсіру" - Валентина Кулишованың көкөністер өсіру мен сатудың 35 жылдық тәжірибесі

Алматы облысының Қапшағай қаласынан Валентина Кулишова - өз ісінің нағыз жанкүйері және 35 жыл бойы көкөніс өсірумен айналысып келеді. Валентина Ивановнаның айтуынша, әйел өз мәні бойынша отбасында да, далада да көшбасшы. Валентина Кулешованың әйелдік және сезімтал басшылығымен онда 10 адамға дейін жұмыс істейді. Жыл сайын оның бизнесі мол өнім әкеледі. Валентина Ивановнаның өнімдерін сату жақсы ойластырылған және ұйымдастырылған. Базарларда сатудан басқа, ол Заречный кентінде орналасқан «СД и Ко» компаниясының жеміс консервілеу зауытына, ірі асханаларға көкөністер жеткізеді, сондай-ақ әр сенбі сайын Қапшағай базарындағы жәрмеңкеге өз өнімдерін ұсынады. «Біз бір жерде отыра алмаймыз, бізге үнемі қозғалыс қажет. Біз жыл бойы жұмыс істейміз, тіпті қыста егіннің жартысын жинап, сатамыз. Жыл басында біз бәрін алдын-ала жоспарлап, смета жасай бастаймыз. Себебі негізгі несиені ақпан айында аламыз. Менде дақылдар көп болғандықтан, тиісінше әр дақыл өз шығындарын талап етеді. Біз несиені қандай-да бір қажеттіліктер үшін емес, тек дала жұмыстарына ғана аламыз», - дейді агроөнеркәсіптік кәсіпкер.

5. Өндіріс

Өндіріс - бұл кәсіпкер әйелдер аз болатын, алайда бұл жерде олар белсенді бола түсетін экономиканың бөлігі. Өндіріс саласында тұшпара өндірісі сияқты - «әйелдердікі» деп атауға болатын бағыттар бар. Алайда өндірістің «әйелдерге тән емес» түрлері де игеріледі, мысалы, ванналар мен шұңғылшалар өндіру.

«Ванна өндірісі» - Нигора Хаббибуллаева мен оның үш ұлының шұңғылшалар мен ванналарды қолмен өндіру өндірісі

Түркістандық Нигора Хаббибуллаева - матрицалардың көмегімен шұңғылшалар және ванналар өндірумен айналысатын елдегі жалғыз кәсіпкер. Ол өмір бойы базарда сауда жасады, бірақ ол өзінің ісі жөніндегі ойларды ешқашан назарынан тыс қалдырмады. Бір нәрсе анық болды - бизнес ерлердің күшіне негізделуі тиіс еді, өйткені Нигора – үш ұлдың анасы. Жергілікті нарықты зерттей келе, отбасы бос орын тапты – ол сантехниканы құю өндірісі. Жиналған капиталды Ресейдің үздік шеберлерінен оқуға жұмсауға тура келді. Қазақстанда құю өндірісімен айналысатындар аз болғандықтан, Нигора үшінші елдер: Ресей, Түркия және т.б. арқылы шикізат пен материалдарды жеткізушілерді өз бетінше іздеуге мәжбүр болды. Белгілі бір уақытта құю өндірісінің барлық ұсақ-түйектері игерілді, бизнес ұйымдастырылды. Алматыдағы көрмеде Нигора Хаббибуллаева компаниясының өнім сапасы жоғары бағасын алды, өйткені қолмен өндіру зауытпен салыстырғанда, үлкен артықшылыққа ие. Нигораның өнімдері тек сапасы жағынан ғана емес, сонымен қатар бағасы бойынша да ерекшеленеді: Нигора Хабибуллаеваның логистикасы өнімді көрші елдерден әкелетін импорттаушыларға қарағанда арзанырақ.

6. Білім беру қызметтері

Бұл балабақшалар, тіл курстары, пішу және тігу курстары және басқалар. Өзгелерді оқытуға бару көбінесе білім алуда өз қиындықтарын тудырады. Бүгінгі таңда оқыту орталықтарының саны экспоненциалды түрде өсуде, бұл нарықта ұсыныс тапшылығы жоқ, дегенмен, сұраныс тұрақты болып қала береді, әсіресе жергілікті тұрғындардың қалаға оқуға баруға мүмкіндігі жоқ елді мекендерде.