Иммунитет (иммундық жүйе) — ағзаны бөгде заттар мен жасушалардан (соның ішінде бактериялар мен вирустардан) қорғаудың биологиялық жүйесі, иммундық жүйе қорғауды жүзеге асырады. Оған қызыл сүйек кемігі, тимус безі, көкбауыр,
лимфа түйіндері кіреді. Бұл органдарда жасушалық және гуморальды (антиденелер арқылы) иммунитетті қамтамасыз ететін иммундық жасушалар (Т лимфоциттері және В лимфоциттері) шығарылады және сараланады.⠀
Егер сізге жиі суық тиетін болсаңыз: жылына екі-үш суық тию кезінде түшкіру және мұрынның ағуы қалыпты жағдай. Көптеген адамдар 7-10 күннен кейін қалпына келеді. Осы уақыт ішінде иммундық жүйеге антиденелер шығару және вирустармен күресу үшін үш-төрт күн қажет. Бірақ егер сіз жиі суықтайтын болсаңыз немесе ұзақ уақыт бойы жақсармасаңыз - бұл иммунитеттің әлсіреуінің айқын белгісі. AAAAI (Американдық аллергия, астма және иммунология академиясы) ересектерде иммунитеттің төмендегенін көрсететін келесі белгілерге назар аударуды ұсынады:
- Құлақ инфекциясы ауруы жылына төрт реттен көп;
- Пневмония ауруы жыл ішінде екі рет;
- Созылмалы синуситтің (синусит, фронтит) немесе жылына бактериялық синуситтің үш эпизодынан көп болуы;
- Жылына екіден көп антибиотиктер курсының қажеттілігі;
Сіздің жұмысыңызда немесе үйіңізде күйзеліс көп. Ұзақ уақытқа созылған стресс сіздің иммундық жүйеңіздің реакциясын әлсіретеді: инфекциямен күресуге көмектесетін ағзадағы лимфоциттердің саны азаяды. Лимфоциттердің деңгейі неғұрлым төмен болса, жедел респираторлық вирустық инфекциялармен жұқтыру қаупі соғұрлым жоғары болады;
Сізде асқазан-ішек жолдарының мәселелері жиі кездеседі: мысалы, жиі іш өту, газ немесе іш қату. Олар антибиотиктерді жүйесіз негізсіз қолдану салдарынан да болуы мүмкін. Зерттеулер көрсеткендей, иммундық жүйенің шамамен 70 пайызы ас қорыту жолында орналасқан. Онда тұратын пайдалы бактериялар мен микроорганизмдер ішектерді инфекциялардан қорғайды және иммундық жүйені қолдайды. Ішектегі пайдалы бактериялардың азаюы иммунитетті төмендетеді, созылмалы қабынуды тудырады және тіпті аутоиммундық бұзылулар болуы мүмкін.
Сіздің жараларыңыз баяу жазылады. Әдетте, дене жараны тезірек қорғауға және теріні қалпына келтіруге бар күшін салады. Бұл процесс сау иммундық жасушаларға байланысты..
Бірақ егер сіздің иммундық жүйеңіз әлсіреген болса, теріңіз тез қалпына келе алмайды. Жаралар баяу және әрең жазылады.
Ақпарат көзі - Қазақстанның отбасылық дәрігерлер қауымдастығы
https://www.instagram.com/p/CEBd68UJ_Li/
https://www.instagram.com/p/CEBeHLQpvie/